北水頭等倉：鳳醫具備注資概念

外資參與最為重要

筆者認為，深港通是加大兩地股市的連繫性，有咩事都共辱共榮，即係好就好，唔好就攬住炒！

對於目前成交一潭死水的港股而言，多咗北水南來應該唔係壞事，只係單靠北水難以憧憬大牛市會重臨，必須要有外資參與才能成就大時代，但至今為止，可惜到呢一刻為止仲未見到有呢種契機出現。若然單靠北水製造港股大牛市，只怕會步去年A股後塵，咁就要走為上着！

受消息帶動，深港通下之港股通標的股昨日個別有好表現，其中晨鳴紙業（01812）H股升7%，A股（000488.SZ）漲停；鳳凰醫療（01515）亦曾高見12.86元，升8.49%，成交8,684萬元。

除咗憧憬受惠北水吸納之外，鳳醫本身都有消息，上周公司宣布多名管理層變動，主要都係體現華潤入主後的人士變動。早前華潤集團高層表示，未來旗下一些培育成熟的項目，會考慮以市場化的方式優先注入鳳醫，可見注資概念不言而喻。此外，早前鳳醫又向中信集團收購兩內地醫院權益，後者成為集團股東及重要戰略合作夥伴。

隨着內地人口老化，以及公私營醫療改革，已泊得兩個大碼頭的鳳醫，前途無限，可逢低作長線收集。

走勢上，股價在上月見高位14.16元後進行調整，昨日現大陽燭，若短線能企穩50日線12.84元樓上，有勢再試上月高位；若受阻回落，則可留意在12至12.2元區域的收集機會。

司慕渢