憂大市回調 散戶講多過買

炒家吼深港通細價股

致富證券大埔分行經理鄭文光表示，券商股、內險股等之前已炒高，即使深港通落實開通日期，再漲力度減弱，加上散戶憂慮消息公布後大市會回調，所以持觀望態度。

李小姐說：「深港通公布開通日期後，個市都唔多郁，之前已買定唔少金融股同內險股嘅認購證，希望刀仔鋸大樹，依家會持觀望態度，睇吓遲啲會唔會有資金追入，再決定點做，後市比較難睇，所以主要係炒波幅。」

職業炒家Pasu則再度加注，在恒生綜合小型股指數中尋找市值近50億元股份，推算哪一隻會是第二輪納入深港通下港股通名單，再從中揀股。他直言：「唔覺得恒指會因深港通大升，所以投資策略係搵較大機會納入名單嘅細價股短炒。」

銀行推免佣優惠搶客

不過，耀才證券（01428）大埔分行助理經理楊子立稱：「過去周末及周日分行都有營業，都多炒開滬股通嘅銀行客落分行開戶，佢哋對深股都好有興趣。」

由於市場有需求，銀行積極推優惠爭客，除大新銀行外，中國工商銀行（亞洲）提供首兩個月所有客戶免佣買賣上海或深圳A股，上限為3,000元人民幣。上海商業銀行推劃一低佣金優惠，客戶無論買賣上海或深圳A股，佣金一律0.15%。中國銀行（香港）（02388）則提供首三個月佣金優惠予新客戶，但只限減免買入佣金。