絲絲講場：理紙買七千萬遊艇氹夥計

呢架遊艇來頭唔小，係世界十大豪華遊艇品牌阿茲慕（Azimut）出品，個品牌1969年創立，有自己嘅造船廠，旗下遊艇至少有8個系列，銷售網絡覆蓋68個國家。

聽聞，理文造紙平時都有租開架遊艇嚟見客同搞員工活動，今年推出自家紙巾品牌之後，更加用多咗。今次公司咁大手筆對啲員工，幾咁窩心。

再睇，原來架艇原本係理文造紙控股股東李運強嘅（即是主席李文俊父親），李運強自己當初用1.02億元買返嚟，依家架遊艇估值就係7,800萬元。

為掌握成本租變買

今次上市公司出現金收咗大股東架遊艇，公司解釋話，由租變擁有可以更好掌握成本。嗯，員工梗開心，唔知股民又收唔收貨呢？