絲絲講場：鐵血女車神孖領展遊港
香港人愈來愈鍾意做運動同注重健康，連領展房產基金（00823）都要搞番個美食單車遊，仲搵埋有「鐵血女車神」之稱嘅單車手黃蘊瑤（Jamie）做大使。日前Jamie就放下「鐵血Look」，一身小背心短褲仔「女神Mode」，帶領包括領展員工在內120人試玩單車遊路線。
商場歎美食 烏溪沙睇景
呢120架單車分成5隊，由Jamie帶頭喺沙田新翠商場出發，參加者如果踩到攰，可以到領展商場品嘗到包括米芝蓮雞蛋仔、冰凍豆腐花等美食。聽講，呢條路線叫做「大自然生態之旅」，因為沿住吐露港行，經烏溪沙海灘，以馬鞍山頌安商場做終點，全長約12公里。
雖然Jamie退役一年，但人氣不減，去到烏溪沙景點心形石，仲大把Fans爭住同佢Selfie添！
余絲韻