舌頭除咗感受味覺，兩條舌頭互相交纏更加會帶來無比快慰，正因為咁，每次見到女仔嘅舌頭，令男人不禁生起遐想。日本寫真偶像小柳步明白到呢個道理，於是苦練舌功，喺演出當中以舌頭挑起大家嘅「舌」慾！
日本寫真女郎可以分為好多種類，有巨乳、貧乳、巨尻、長身等等，不過喺小弟心目中寫真女郎只有兩種，一種係健康性感，好似原幹惠、星名美津紀等，另一種就係主打挑逗性演出嘅姣味女優，壇蜜、春野惠就係最佳例子喇！至於今日為大家介紹嘅小柳步亦係當中嘅代表。今年25歲嘅小柳步身高5呎7吋，配合32-23-34三圍，睇落高挑纖巧。雖然小柳步三圍尺寸唔大，但係上圍同坐圍都甚有肉地，胴體帶曲線美。不過，我就最欣賞小柳步嘅膚色較深，夠健康同時帶點野性，比起膚色白皙嘅女仔別具一番誘人味道。而更誘人嘅地方，係小柳步擁有一副瓜子口面，美艷程度唔算強，卻散發出一股騷到入骨子裏嘅姣味，意態撩人。
小柳步喺2009年展開模特兒生涯，由於要兼顧學業，故未有全力發展，直到2011年參加選美比賽「Miss東京都女學館」，憑住高挑身形以及姣爆面孔而受人注目。後來佢又參加另一個選美比賽「Miss Marine Blue」，兼成為日本某電器品牌形象女郎，名氣更上一層樓。小柳步演出寫真以大膽風格為主，經常以超細碼及超低V泳裝上陣，露出度相當高，吸睛度當然一樣咁高啦！除咗造型上吸睛，小柳步嘅動作極為挑逗，最厲害嘅係表演蛇舌舔弄，加埋一派享受又滋味嘅表情，真係惹人遐想！好彩，步妹嘅惹火演出對其形象冇負面影響，順利轉戰電視界，演出嘅電視劇包括《大富翁，窮女人》。最近，小柳步將戰線伸延到賽車場同擂台上，擔任賽車女郎以及舉牌女郎，發展路線認真多！
簡介：小柳步每次完成寫真工作，都會將當日拍下嘅性感寫真照放上Twitter同大家分享，Click上去保證有眼福！
網址：https://twitter.com/koyayukoyayu
年齡：25歲
身高：5呎7吋
三圍：32-23-34
撰文：賢