關永盛一九九九年加入恒生銀行，翌年管理恒生銀行全資附屬公司—恒生指數有限公司。他分享最難忘時刻，「公司由起初十隻指數都唔夠，到見愈來愈多被動型投資，對各類指數需求大咗，推出嘅指數數量、種類同用途都多咗好多。」
他未加入恒生銀行前，曾投身股票行業，主力做股票研究，工作性質跟賣方分析員相若。他表示，「撰寫研究報告，向基金公司及經紀推介股票，最緊要係睇得準，又要出得快。只有快，先賺到錢。」他另說，「做股票分析，睇嘢會闊，因股市係香港經濟嘅縮影，知道當時有咩企業支撐成個經濟。」
他其後擔任恒生指數有限公司管理層，他指管理工作具挑戰性，說在工作生涯的不同階段，就要迎接不同挑戰，「唔再淨係理自己，要管理成個團隊，亦要有前瞻性，睇通股票市場嘅發展同變化，為公司未來發展訂立方向。」
關永盛稱，除非同學修讀如建築及律師等，事業前路會較清晰，否則若同學修讀經濟、財務、會計等學科，在學主要訓練思維及解難能力，未來事業可作多元化發展。
另金融行業有不同的崗位，包括從事客戶服務、銷售、股票分析等，故此同學應按自己的興趣發展自己的事業。