絲絲講場：翠華股東會似有「大茶飯」
貴價茶餐廳股翠華（01314）尋日召開股東會，市場焦點梗係公司控股權嘅去向，成班元老級創辦人同高層都差不多到齊，會後仲遲遲唔散band，好似有「大茶飯」要商量咁。家陣翠華易主消息已滿天飛，咁人齊嘅股東會實在難能可貴，可惜有上市捧場至今嘅小股東遠道而來，卻食「閉門羹」。
高層疑不和
事緣翠華開股東會前15個工作日左右，突更改股東會地址，適逢業績高峰期，小股民又收唔到通知信下，去咗翠華位於葵涌嘅辦公室「食白果」，即刻趕到金鐘股東會又完咗，激到小股民猛呻。
不過，最爆嘅係，會後有小股東朱小姐爆料，話股東會上股東之間意見疑似不和，翠華創辦人之一兼今年六月調任為非執董嘅何庭枝，好似有啲意見，令公司主席李遠康為首嘅主要股東獲第三方洽購其手上權益嘅交易，可能加添幾分變數。
股東會舉行期間，何生頻頻出出入入，莫非要請教高人指點？
余絲韻