講起床，唔爭在講埋「起床」。究竟幾點起身工作最有效率？可能係凌晨4點。
做咗Apple Inc.行政總裁啱啱5年嘅庫克，佢習慣早上3時45分開展佢嘅一天。聽講佢永遠係最早到公司，但又最遲走嗰個。
唔止佢，有「華爾街女王」之稱嘅前花旗集團財務總監克拉切克（Sallie Krawcheck）都話「凌晨4點係我工作最有效率嘅時候」。
點解係凌晨4點？有得解。心理學家Josh Davis話，我們容易被雜亂嘅辦公室丶電郵丶電話及facebook等分散注意力，凌晨4時起床工作就冇呢啲干擾，正常人唔會呢個時間Send電郵同講電話。有番個寧靜環境，做嘢自然更有效率。
不過，凌晨4點起身，要付出些少代價。平面設計公司Design Pickle創辦人Russ Perry就因為咁，每晚10點就覺攰要上床，偏偏太太就係夜鬼！至於絲絲？一樣係凌晨4點，不過係瞓覺。
余絲韻