絲絲講場：浩沙主席脫「泳」而出

尋日一講到奧運，浩沙國際（02200）主席就一時心直口快咗添。

話說絲絲同浩沙主席兼執董施洪流傾起有無睇今屆奧運，施主席即答有，仲話自己最捧場係乒乓球項目添。咦？乜唔係浩沙本身贊助嘅韻律泳中國隊咩？施主席即刻補多句話，主要睇乒乓球同游泳呢兩類喎。

施總仲話，奧運對公司銷售有幫助，尤其依家夏季多人游水，游泳產品銷售都有帶動咁話。今年浩沙推廣力度都相當重手，耗資9,800萬元人民幣，大增58%，總收入佔比升至約15%。