絲絲講場：唐雙寧作詞賀光證掛牌
光大證券（06178）尋日喺港交所掛牌上市，光大集團董事長唐雙寧仲作咗首詞賀光證上市，詞牌係《減字木蘭花》。乜你唔知唐總係中國詩詞學會顧問咩？
唐總首詞係咁嘅：「香江舉目，八月十八曾幾度？卅載加三，放眼今朝處處歡。
鑼聲平地，多少圓缺都忘記。一盞同乾，待到他年上九天。」
光大綠色環保好事近？
唐總尋日話，自從一三年「烏龍指」事件光證陷入低谷，經過多年終於反彈，到依家喺香港上到市，希望公司可以吸取教訓咁話。
無論光大控股（00165）、光大國際（00257）定光大銀行（06818）來港上市，唐總每次都嚟敲鑼，佢仲預告話今年會再嚟敲多次添。睇嚟六月遞上市申請嘅光大綠色環保都好事近。光證尋日首掛收報12.68元，與招股價持平。
余絲韻