積金FUN享 ：積金達人解初哥煩惱

小米：打工點解要交強積金？唔交得唔得？

家姐：強積金是退休保障的一環。佢就好似月初你要給阿媽家用咁，係強制性的。

小米：交咗強積金係咪就可以退休無憂啊？

退休保障第二支柱

家姐：強積金只是退休其中一部分，加上社會福利、個人儲蓄和保險才能夠滿足退休的需要。你亦可以考慮作額外自願性供款，就好似畀多啲家用阿媽，阿媽幫你存多啲錢，退休就多啲積蓄。

小米：我都會自己增加儲蓄啦！我會開始投資其他嘢。

御峰評：香港的強積金制度旨在提供該退休保障方案的第二條支柱，即由私營機構管理的強制性供款計劃。

在實施強積金制度前，本港只有約三分之一的工作人口享有退休保障。自強積金制度推行後，現時約有85%的總就業人口獲強積金計劃、職業退休計劃、法定退休金或公積金計劃（例如為公務員或公立學校教師而設的計劃）保障。

家姐：阿媽你知道強積金的基金有好多種？

阿媽：唔知啊。

家姐：強積金的基金可以分為六類，貨幣市場基金、保證基金、債券基金、混合資產基金、股票基金和其他基金。阿媽你買緊咩基金啊？

阿媽：咁多種類，我每樣買少少啦。

家姐：阿媽，你以為買菜啊？

阿媽：不如你買咩，我跟住買咩啦。

家姐：不同年齡人士有不同的風險偏好，臨近退休就應該選擇一些保守型的資產，例如貨幣市場基金、保證基金以及債券基金等。

御峰評：強積金投資有投資風險，基金亦不是穩賺不賠的投資工具。投資者應該瀏覽積金局或者參與強積金計劃下的公司網站，以及各種資料充分了解不同基金產品的特性，這樣才能做到明明白白地投資。

御峰理財研究部