絲絲講場：雷軍後生Look谷Pro
小米喺今日將舉辦新產品發布會，發布年輕人手機品牌紅米Pro以及小米Notebook等產品，日前紅米Pro嘅內地三大明星代言人嘅吳秀波、劉詩詩、劉浩然已亮相宣傳。殊不知，小米科技董事長雷軍尋日喺微博上晒出個人照，為紅米Pro開售造勢。照片中嘅佢換了精神爽利嘅短髮型，笑言「換了一個新髮型，好似我咁，也可以代言紅米Pro啦。」
網友惡搞女人Look
可是，對於短頭髮、白恤衫加上灰西裝外套打扮嘅雷軍，新Look內地網友嘅反應迵異。有網友post咗貼上雷軍個頭嘅長髮女人打扮嘅相，話雷軍不如扮女人宣傳紅米Pro仲好！亦有網友留言稱，雷軍嘅新髮型看來精神許多，瞬間年輕好幾歲；原來像個純IT男，現在有點企業家氣質等。
愛扮嘢兼做埋戲
講真，雷軍一向喜歡扮嘢，而且仲扮得唯妙唯肖，如小米初出道時至今，最慣常打扮嘅雷布斯（被指扮喬布斯），跟住與內地影星黃曉明合演大陸電影《教父》，戲裏頭雷軍留了八字鬚，扮演六、七十歲嘅上海大亨，再而就到今次年輕IT企業家囉。
余絲韻