絲絲講場：六福搵鬆弛熊谷生意
日本Line啱啱正式喺紐約及日本掛牌上市，熊大同兔兔吸金力十足，任天堂嘅Pokémon GO更掀起全球哄動，任天堂股價爆升到六年新高，真係唔好睇小日本卡通人物嘅潛力。
同為熊類卡通嘅Rilakkuma輕鬆小熊（鬆弛熊）都唔弱喎！六福將會喺七、八月推出夏日鬆弛熊嘅首飾，於是趁住近排卡通人物熱潮，今日喺旺角擺咗個鬆弛熊攤位免費派發鬆弛熊、小白熊同埋小雞嘅氣球、撥扇，仲有棉花糖添。
絲絲幫大家索到，六福大約送出500個氣球同1,000把扇，配合番鬆弛熊喺夏日嘅造型。之不過，絲絲諗住點都要拎番支棉花糖先！
余絲韻