絲絲講場：建行亞洲105歲生日話當年
如果建行亞洲係一個人，佢已經係人瑞，事關明年二月二十一日就係佢105歲生日。建行亞洲常務副行長江先周話，咁多年嚟該行改過四次名，陪住香港經歷過唔少風風雨雨。
想知佢前世今生？唔使揭三世書。嗱，銀行嘅前前前身一九一二年喺香港成立，當時叫做廣東銀行，聽講係本地第一間由華人創辦嘅銀行（聽講咋，絲絲搵唔到咁老資格嘅人求證）。八○年代被人收購後改名為太平洋亞洲銀行，之後因母公司合併而再改名為美銀亞洲，到○六年底「認祖歸宗」成為中資行，改為現稱中國建設銀行亞洲（簡稱就係建行亞洲）。
聽江副行長講，該行嚟緊105歲生日將會有好多慶祝活動。係啲乜？話賣吓關子先喎。
余絲韻