稻香集團（00573）嘅一蚊雞，絲絲細細個就聽過，唔經唔覺，一蚊雞呢個Promotion由九六年開始，陪大家度過九七、金融風暴、沙士、金融海嘯，到今年已經踏入20年，未來仲會繼續搞！
難怪CEO梁耀進（Eric）都話，可以考慮申請入健力士，分分鐘呢個係世界上最長嘅食肆Promotion。
一個Gimmick玩足廿年，以為稻香淨係用舊橋？咁就錯喇，佢哋下個月會推出傳菜機械人。Sorry，香港未有住，機械人淨係喺東莞推出。咁搞法，啲傳菜員仲有碇企嘅？Eric話，傳菜機械人就係解決勞工短缺嘅問題喎。