新世代供略：職場叻女等跌價上車

今期訪問對象Mink，是位事業型女性，從事酒店業約三年，有儲蓄習慣及購買基金等投資，為將來做足準備；唯獨對買樓的看法，Mink想法偏向保守。

唔想供得辛苦

她表示，「買樓計劃還是好長遠，始終樓價太貴，就算人工追得上，都覺得有啲唔抵，供樓供得好辛苦！我想有自己的生活，又唔想只得一份人工就畀晒去供樓。」

Mink日後考慮在九龍灣置業。	九龍灣運動場有跑道等設施。	淘大商場有各類店舖。

不過，Mink同意，「如果樓價平多啲，都會考慮入市嘅，我會揀自己住開嘅九龍灣區，因為出入便捷，配套好好。」

屋苑鄰近港鐵九龍灣站。	Mink理想Dream House	每月供款例子

九龍灣指標屋苑樓價回落得快，若Mink想留守本區，又不介意樓齡舊，近港鐵站沿線的嘉和園絕對適合她的所需。

嘉和園全兩房

嘉和園樓齡有39年，鄰近宏光樓及淘大花園等，勝在老而彌堅，完成維修及翻新，大廈外牆亮麗整潔「見得人」。

屋苑共有3座物業，提供不足700伙，較同區德福花園及淘大花園環境舒服；因為屋苑全數原則為兩房戶型，實用面積約300餘至400方呎，提供大路的眼鏡房及呂字廳設計，入場銀碼偏低，較易上車。

屋苑樓齡舊，會所設施欠奉，惟周邊配套強勁，不但基座設小型商場，行兩步可到淘大花園的商場及德福廣場，有戲院、食肆及連鎖牌子商舖，而且離港鐵站及巴士站等均只是五分鐘步程，享盡地利優勢。

放盤少 今年未開齋

美聯區域經理李浩洋表示，嘉和園放盤少，二手交投疏落，今年以來仍未破蛋，屋苑現有兩個放盤，入場費最平為一個兩房戶，以368萬元放盤，叫價較去年高位已跌8%。