絲絲講場：熊本熊大戰Doraemon

富邦谷祖明愈熊愈開心

首先「累事」嗰隻，唔係熊市嗰隻熊，係絲絲隔離位啲姐姐妹妹一見到冧晒嘅熊本熊。聽講張熊本熊信用卡勁多人申請，搞到富邦香港消費金融部主管谷祖明同班同事，每朝見到一大疊申請表喺枱面等批，成Team人真係興奮得嚟幾咁辛苦。

為咗服侍呢隻熊，谷祖明話信用卡同信貸部門嘅同事，最近連星期六、日都要返工！谷祖明自己仲連復活節旅行都取消埋，事關今個星期六要去沙田一田參加熊本熊嘅生日會，幫張熊卡站台。

大新為Doraemon跑鑊甘

論到搞着啲Banker，Doraemon亦唔弱。大新上星期日喺西九海濱長廊贊助咗「Doraemon Run」障礙跑，又巨型滑梯、又水管隧道咁，無非為咗推Doraemon存款戶口同信用卡。辛苦晒。

余絲韻