近日阿里巴巴搞「無上限」治假隊，話明預算無上限，人數無上限。馬雲仲喺打假誓師會上話，要趕絕啲假貨，唔單止將賣假貨者趕出淘寶，連喺京東等其他平台都無法生存。聽講馬雲仲幫今次打假隊個阿頭起埋「花名」叫「滅絕師太」、個副手就叫「鬼見愁」，幾咁有決心乜乜乜……
點知講講吓，馬雲話「消滅阿里易，消滅假貨難」，佢仲呻冇一件假貨係阿里生產，銀行卡關銀行事、生產工廠關工商局事……總之就「有很多委屈」。
罵假貨如病菌
講話到末段，佢大鬧假貨係「存在周圍空氣裏的病菌」，話呢場同假貨作戰係「人性的鬥爭」……最後，佢話「如果今天不去努力」，佢「擔心最後還是一事無成」。講得啱，絲絲都好擔心。
余絲韻