投資 U WIN：U界女神晒「財」華

做女神要識理財，原因有二。第一，選港姐要美貌與智慧並重，選大學女神亦一樣，除了要仙氣十足，還要有理財智慧才叫Perfect！其次，「拜金」被指為港女其中一個特徵，識理財的女生自然不用拜金，能自給自足就更有吸引力。

大學時興尋找學界女神，故今次邀請三位「Secrets Girls」接受挑戰，她們都是來自雲集大學女神facebook的社交平台「1822 Secrets」的女生，平台粉絲人數逾2.4萬人。現考考她們的理財知識，看看能否成為真女神。這幾條考驗問題，你又識唔識？

香港理工大學一年級生

答對第1、4、5題

芷欣︰「我無申請信用卡，又無用提款卡，兼職賺到嘅錢同家人畀嘅零用錢，我都會存喺一個盒，用晒錢就會喺個盒拎，所以唔知港元活期存款利率係幾多，原來低到得0.01厘。我每月使費唔係太大，都會儲到少少錢。」

香港中文大學碩士生

答對第4、5題

Queenie︰「我之前去完日本旅行，所以對日圓匯價有少少印象，知道最近日圓又升番，接近7水平。我同芷欣一樣，只係將啲錢放埋喺一個盒度，唔會入落銀行。屋企人有幫我買人壽儲蓄保險，變相都幫我儲緊錢。」

香港知專設計學院二年級生

答對第5題

Jessie︰「我比較少留意匯率價格走勢，有概念知道上年人民幣貶值好多。我偶爾會用信用卡買化妝品、護膚品等，不過無試過欠卡數，估唔到原來遲還利息咁高，申請前我都無留意利息，只記得最高信用額係10,000元。」

三位女生對理財似乎未有太深入的了解，不如由理財專家教她們如何培養理財習慣吧。

康宏理財營銷策略及業務拓展總監傅惠賢認為，部分大學生害怕管理金錢，故會忽略儲蓄及投資兩大重要事項，可透過三個方法培養簡單的理財習慣。

他指，大學生應透過記帳培養量入為出的性格，「依家有唔少電話記帳應用程式，可以記低每月收入，同時記錄每日支出，從中了解自己嘅消費活動，可以喺邊部分減少支出，從而做到量入為出。」

他又認為，投資是重要一環，「雖然大學時期未必有好多錢做投資，但股票、基金、債券係三個最基本嘅投資工具，大學生要有簡單認識，呢一刻唔需要投資，出嚟工作仍會接觸到，唔可以永世將筆錢放喺銀行入面唔打理。」

最後，若想了解更多理財知識，傅惠賢鼓勵大學生多閱讀理財或金融書籍，例如《富爸爸‧窮爸爸》等，了解金錢要儲蓄在增值的地方，否則只會受通脹影響而貶值。

答案︰1.B，2.D，3.A，4.B，5.B