無論從國家規劃，以至中電新能源（00735）宣布與大股東國家電力投資（國電投）簽訂諒解備忘錄，由國電投附屬公司的國家核電向其注入全部核電資產及業務，皆見潔淨能源行業從國策前景及消息面上均具炒作概念，可從中尋寶。
睇番行業個股表現，近期金風科技（02208）股價最有勢，而中廣核電力（01816）亦有見底反彈迹象，但筆者就較鍾情於順風清潔能源（01165），貪其以往主力發展太陽能業務，早前亦投資了一間從事儲電池管理技術的公司，隨時可炒新能源汽車概念外，去年十一月又與中廣核歐洲訂立戰略合作協議，雙方同意在光伏、儲能、低碳節能、能源管理及高新技術等領域合作。
查實中廣核歐洲是中國廣核集團的全資附屬，而中廣核集團則為國資委監管的中央企業，這就隨時造就多一個強強合作的炒作概念，一旦資金睇中，真係唔怕無消息炒。
順風潔能近幾個月穩守1.8元，再睇埋往績市盈率僅約3倍看來，現價即使未見底，相信亦離底不遠，但去年中績麻麻，故只宜小注怡情投機買入。
司慕渢