Google母公司Alphabet周四公布總值約51億美元回購股份，個銀碼準確嚟講係5,099,019,513.59美元。點解個銀碼水蛇春咁長又咁零丁？
有人話真相只有一個：就係暗藏一條數學題（睇上圖）。真唔真就無人知喇。
其實Google十年前發新股都玩過一次，嗰次係玩圓周率 （π，即係3.14159265……），用π嘅小數點後8個數字作為新股數目，即是發行14,159,265股。
話時話，絲絲最難忘收過嘅其中一封情信，亦係只得一條無文字嘅數學算式，睇得透就係浪漫，睇唔透就係無厘頭。又抑或係掉番轉？睇唔透就浪漫，睇得透就無厘頭呢可。
余絲韻
