上周五滬綜指續升148點，但港股無再跟上，恒指收21,612點，跌226點；國指則跌112點報9,750點。事實上，上周五中港兩地股市走勢背馳，就算A股短期再升，港股都未必再跟。無他，眼見A股今次「人為托市」只不過將A股市場國有化，既然長線唔多樂觀，股市點會有運行？
九月期指日市收報21,536點，夜期則收21,585點，升49點，低水27點，全日成交7.13萬張；九月國期夜市收報9,812點，升56點，成交亦略欠人氣。恒指上周五未能回補下跌裂口22,185點之餘，仲營造大陰燭，走勢頗差，但要沽可以等多陣。至於國期既然重上9,800點，按早前策略今日可以睇位沽，繼續炒即日鮮，穿一萬點止蝕。
John Mullen