大專生雙管齊下儲首期
只要識得儲錢和投資，就算是年紀輕輕的學生也不可看輕，隨時儲埋的私己錢已夠上車。今期主角Heidi，即使暑假都唔會Hea，趁夏天當救生員賺外快。問到Heidi的Dream House心水，首選住慣住熟的大埔區，若有300餘萬元的私樓選擇已心滿意足。以她的Budget，可揀市中心的翠屏花園，社區配套完善，入場費約340萬元，值得考慮。
夏日炎炎，學生哥最開心放暑假，但大專生Heidi就趁暑假空檔做兼職搵錢。她說：「大專生應該得閒做吓兼職，減輕家人負擔，自己又可以儲多啲錢。我趁放暑假有時間就會做救生員，幾好Pay，又可以幫補零用。」
住慣大埔唔願搬
除了勤力兼職，原來Heidi也有投資，在父母的影響下，年紀輕輕已識投資。「我除了同家人夾份買幾隻股票投資，也有用私己錢獨立買，以長線投資大路港股為主。」
問起Heidi的置業大計，她說：「呢幾年讀緊測量科目，希望畢業後搵份收入好些的長工，可以儲起一半薪金，加上本身的股票投資，希望盡快上車。」
Heidi現居大埔，鍾情區內悠閒居住環境，以樓價300餘萬元的私樓細戶作置業目標。
買一房戶已滿足
Heidi說：「最好梗係自己畀到首期啦，但始終資金不多，買到一房單位已經好滿足。」
其實，大埔市中心不乏細單位選擇，最平屋苑要算是翠屏花園。屋苑主打實用面積200餘方呎的細戶，內籠雖小，但開則算工整，是區內人氣上車之選，且毗鄰市中心各大商場及巴士總站。