「一個唔夠Support，兩個就多過頭！」估吓盛諾（01418）總裁張棟（Eric）講緊乜。畀貼士你，盛諾坐擁「SINOMAX」自家床褥品牌，張總最有研究係乜？冇錯，佢講緊係去旅行時瞓嘅酒店枕頭。
Eric話過唔少公司客，次次住酒店都呻「好慘」，皆因酒店個枕頭瞓極都唔啱位，最終冇覺好瞓。所以Eric諗緊研發太空棉旅行產品，仲交咗畀公司研發團隊，睇吓點搞。Eric又覺得，酒店係個幾好嘅床褥枕頭試用渠道，比商場方便，仲可試瞓耐啲。
Eric自己本身都經常出差，咁佢有無自備「溫暖牌枕頭」？竟然冇，佢話自己懶喎。
余絲韻