絲絲講場：金立群千金履歷超班

金刻羽26歲做哈佛博士

各方一輪「人肉搜尋」後，近排畀絲絲發現到金立群位80後千金，原來亦都好值得關注，事關阿囡囡聰明不下於阿爸，通曉四國外語，而且仲係一位氣質美女。

金立群位千金叫金刻羽，雖則話「成功需父幹」，但要喺超級名牌大學畢業，相信亦要付出超級努力，金刻羽26歲時已經攞到哈佛大學經濟學博士學位，依家32歲，已經喺倫敦大學經濟學院任教，係學院內最年輕嘅宏觀經濟學教授，可謂自己闖出一片天。

金立群有個外號，叫做「金融外交家」，囡囡金刻羽讀書時實習嘅地方，亦都非常國際化，包括摩通、高盛等國際投行、世界銀行、美國聯儲局等，仲通曉英文、法文、西班牙文與意大利文添！

余絲韻