不時有本地電影界人士稱香港自星爺之後，缺乏有才能嘅喜劇演員。而喺日本諧星卻係相當之多，之不過佢哋雖然搞笑耍家，但係個樣就……幸好世事無絕對，搞笑能手又有美貌同身材嘅女星近年就有一個，佢就係相當具人氣嘅谷桃子喇！
好多明星成名上位之後都特別錫身，武打明星出咗名拍危險鏡頭往往會出動替身，性感女星上咗位則鮮露肉身，冇計啦！矜貴咗嘛！喺日本演藝界亦係一樣，好似已貴為當紅女星嘅綾瀨遙咁，家陣你想佢喺拍戲時候作性感演出都幾難喇。不過，有演技又唔錫身嘅都有唔少，谷桃子咪其中一個囉。30歲嘅谷桃子氣質高貴大方，充滿親切可人嘅姊系感覺，魅力可謂非同凡響。五官精緻嘅谷桃子，面上最迷人嘅地方就係雙眼，又大又圓仲散發出攝人神韻，畀佢望一望即覺全身觸電，相信不知幾多麻甩佬畀佢電暈。谷桃子仲擁有一副驕人身材，纖巧婀娜且肌膚白滑剔透之餘，上圍夠大又夠挺，腰肢夠幼又夠軟，玉臀又圓潤飽滿，但佢就曾經嫌自己個臀太大，後來投身水着界之後明白到巨臀亦相當有市場價值，先至放心「股」惑人心。
谷桃子初踏足水着界時候係用藤田咲做藝名，由於演藝界亦有個演員與佢同名同姓，事務所就叫佢用原名谷桃子發展，以免令人混淆，之不過，日本有位知名芭蕾舞家又係叫谷桃子，當然以水着界呢個吸引好多啦。阿妹拍寫真時表現得風情萬種，舉手投足都散發顛倒眾生嘅魔力，令佢火速上位，兼且獲得電視界垂青，登上綜藝節目做嘉賓成為家常便飯。就係因為咁，谷桃子接觸到「江頭2:50」呢位老牌知名諧星，仲將佢當成搞笑演出嘅師傅。有呢位出色嘅諧星做學習對象，谷桃子由對白都唔識，變成演技出色，仲不時喺演出當中做下把位引入發笑。近年，谷桃子嘅演技備受賞識，獲電視電影界搵佢演出，施展搞笑功夫同時賣弄性感，好似剛剛推出DVD嘅電影《鬼吹燈先生的傻大姐》咁，佢就喪玩制服誘惑，挑逗同居嘅怕醜仔男主角前野朋哉，過程既香艷又過癮。
谷桃子近期忙於為音樂劇《IN THE VOICE》準備，喺佢個博客不時見到其綵排情況，想知谷桃子排戲排得辛唔辛苦，可以Click上博客睇睇。
網址：http://ameblo.jp/tanimomo/
年齡：30歲
身高：5呎4吋
三圍：35D-23-34
撰文：賢