絲絲講場：信誠踩過界 搞財仔做埋樓按

信誠證券近期開拓「財仔」業務搞埋樓按！信誠證券董事總經理劉昇昂話，佢哋有財仔牌（放債人牌照）其實都有十年八年，佢哋資金比較充裕，唔使額外問銀行，劉老闆話「咪發展多一項業務囉。」

斟舊樓業主套現

劉老闆話，財仔業務啱啱今年開始試業，但佢哋唔會急住搶佔市場份額。咁貸款息率同市場反應點先？劉老闆就無正面答，只係話仲喺試業階段，有同緊一啲舊樓業主傾按揭套現，幫吓啲業主解燃眉之急又或者可以額外投資咁話。

講開又講，好多人都話樓價已經升到唔合理，依家上車驚唔驚咗啲？劉老闆猛對絲絲講，無人第一日就上到車，又話機會處處都有。吓？絲絲明明講緊風險喎？

余絲韻