匡智會製作到會食物
話說小超旗下富衛保險尋日開業績簡布會，咦，會場啲綠茶芝士Cake完全唔似平日街賣見慣嗰幾味，似係Handmade。啲餅邊度嚟o架？
原來，富衛今年同專門協助智障人士嘅「匡智會」合作做CSR Partner，富衛唔少活動嘅到會食物，都係由匡智會學員製作；唔單止咁，富衛Office仲請咗幾位學員做茶水工作添！絲絲聽完，立即覺得塊芝士餅更好味！
其實唔止普通企業，銀公主席黃碧娟一上場都搞CSR，今年三月開始，銀行公會同聖雅各福群會合作，向30個大學生提供培訓，等佢哋識多啲金融服務業嘅嘢，再由呢班大學生聯同銀行義工，齊齊再教1,500個中學生啲基本理財概念。
余絲韻