期指觀瀾：A股難測小注淡倉
於周一收市後，滙控（00005）業績較預期遜色，其股價在倫敦急挫，周一夜期以24,717點作結，但昨日早市期指以24,788點開出，是有點意料之外。
究竟是大戶想在結算前盡量維持高位作結，抑或預視A股復市帶動港股再衝一浸，昨日期指開市價比預期高，即市在24,700點樓下，連番測試即市支持後，擺出跌唔落姿態，最後尾市挾高，日期以24,782點作結，成交達8.4萬張。
昨日筆者以24,750點樓上放開市期指沽盤，結果以24,788點承做，由於尾段跌幅收窄，帳面得個吉，暫訂止蝕24,975點，但今早可能受A股影響比較波動，淡倉會先擱下機械式止蝕指示，如尾市確認企穩24,975點樓上，先諗投降。
昨日恒指即市低位24,673點，又一次逼近10日及20日線，而多次逼近重要支持未見好友發力使指數拋離調整危機邊緣。大市成交唔夠外，A股復市表現難測，也是大戶未敢輕舉妄動的主因。
筆者雖沒有十足信心，但港股於假期前後，低成交下指數被推高，A股復市，賭開高港股好消息出貨，甚至A股反高潮，值博率都較高，以半額入市，刻下無定向風市況，唔好畀自己太大心理壓力。
John Mullen