99年創阿里神話
現年50歲嘅馬雲身家超過一半嚟自6.3%阿里持股，價值163億美元，其餘包括阿里旗下金融部門近半股權同埋其持有嘅支付寶。九九年馬雲喺自己屋企創辦阿里，相信佢當時都估唔到阿里會發展成中國電商龍頭。
阿里喺美國上市以嚟股價累漲近54%，帶挈馬雲身家今年累積進帳250億美元。阿里依家市值高達約2,590億美元，如果將佢擺喺標普成分股，排名第九，比起美國電商巨頭亞馬遜同埋eBay嘅市值總和仲要高。
至於今年以嚟身家跌咗19億美元嘅李嘉誠對於讓出亞洲首富頭銜，只係話對內地年輕人做得好而感到高興。
余絲韻