近期油價大跌，大家都知會對俄羅斯呢個產油國構成重大影響，其實俄國面對嘅挑戰點止咁少？
俄國近期仲受到經濟衰退、盧布破底和撤資潮夾擊，歐美經濟制裁更加係無日無之。
不過，俄國人苦中作樂，當地近日流傳一個笑話，話明年63這個神奇數字將無處不在──明年俄羅斯總統普京將迎來63歲、國際油價下試每桶63美元，盧布匯價同樣向63兌一美元邁進一大步，故此用黑色幽默笑對風雨。
呢個笑話有幾大可能成真？首先可以肯定的是，普京明年十月將滿63歲。與此同時，油價瀉不停，布蘭特期油本周觸及67.53美元嘅五年新低，距63美元只有約6%差距，而盧布更是迭創新低，於不足6個月內，由34兌一美元急滑至近54兌一美元水平。
有社會學家指出，雖然俄國人要承受窮困加劇、財富蒸發同價格上升之苦，但呢個笑話足證俄國人不甘示弱嘅心態。
普京嘅支持者揚言，歐美國家根本唔了解俄國人嘅心理，普京對於制裁「未驚過」，更肯定會於一八年競逐連任，爭取續任多6年。
余絲韻