聖誕前上海開店
身為呢個Project嘅揸Fit人、集團接班人鄭志剛（Adrian）尋日同絲絲講，下個月聖誕前會喺上海開第一間HOF分店，仲話對珠寶前景好有信心，遲下會喺南京同海南開埋，至於香港就仲搵緊舖，目標係中環同尖沙咀地區，照計劃出年三月底前喺中港兩地開到5間HOF，目標到二○一九年開到300間咁多添。
Adrian不忘「賣花讚花香」，佢話HOF嘅鑽石係全人手完美對稱切割，8心8箭嘅設計令鑽飾更加閃爍，不過入場費就要4至5萬港紙喇！
佢仲話，HOF依家除咗喺美國外，台灣都有百幾間店，而且成績都好理想，所以Adrian對引入嚟香港同內地嘅市場都好有信心咁話。
余絲韻