萬科（02202）高級副總裁肖莉喺「雙11」發辭職信，離開工作咗廿年嘅東家，轉投新興房地產網「房多多」﹗佢喺信中多次提及對萬科眷戀不捨。
肖莉喺長近千五字嘅信中回憶過去呢二十年嘅歲月。喺兩星期前，房多多嘅創辦人邀請佢過檔，而離開萬科嘅決定幾乎就喺嗰刻落定。「我將回到我二十年前那樣，每天穿梭於一群年輕嘅小伙伴們中間。」
佢無提到會幾時走，只係話年內都會繼續留喺萬科，完成埋交接工作。
據聞佢加盟房多多係為咗協助佢哋上市，相信不久將來又會喺公開場合再見到佢！萬科主席王石同總裁郁亮話尊重佢嘅決定，仲話公司未來合伙人嘅架構將更為寬闊，歡迎肖莉成為新合伙人。
余絲韻