期指觀瀾：港股升市尚未完結
A股昨日再升，滬綜指突破2,300點關口。周三急升568點後，預期會有一定調整壓力的港股，擺出「唔願跌」姿態。港股早市見過25,193點低位後，三點A股收市，好友反撲，恒指一度倒升45點見25,362點，收市下跌20點報25,297點，大市主板成交稍為回落至862億元。
期指於三點後亦異常波動，由25,260點一直挾到去全日高位25,340點，最後半小時又急轉直下，最差落到去25,189點，日市收25,197點，成交5.09萬張。
睇番恒指上升通道，以七月三十日24,912點及八月十九日25,201點的延長線，今日阻力會在25,469點，與昨收市指數相差唔到200點，到底大市會上破通道頂阻力，抑或以調整或者橫行，以時間去消化周三急升後的超買訊號？機會同樣不能抹殺，惟以周三過千億成交爆升，推高指數股份仍高度集中在個別股份身上。
經驗告知，買貨資金還是極為揀擇，即使先有回吐出現，後市再改寫新高的機會仍高，因為市況距離基金放心入市，散戶爭先恐後的升市尾水仲有一大段時間。誤中走勢陷阱，於爆升前平盤的筆者，按計劃先補回一注好倉，平均成本大約25,220點。
John Mullen