Market Insight：李寧改革困難重重

漸漸變質下，今時今日無論任何中資企業，在微觀分析前，更重要係賭國策風向，炒中國經濟周期，結果新一代基金經理愈來愈似倒模咁一式一樣。較為老派啲，喜歡挑戰的老友，直言再無留戀香港魚缸之處，古勝佩服老友之灑脫外，亦都心有同感。

陸續見內地樓市數據出籠，六月底止，全國商品房銷售金額及面積分別按年下跌6.7%及6%，至3.1萬億元人民幣及4.8億平方米。

古勝冇點你2014/07/18

萬里長空

由內房股的數字顯示，經歷四、五月的低潮期，六月有好轉迹象，30間主要發展商銷售額平均按年錄得24.9%升幅，情況較五月下跌1.4%。值得留意，上半年內房企業的平均銷售面積按年升31.9%，銷售均價卻跌5.4%。簡單啲講，是減價促的成果。

內房企業強者愈強

舊年，上市內房股之中，得兩間未能達成全年銷售目標，半年過去，今年內房平均目標完成度不足四成，下半年到底用減價促銷，用毛利率去達成全年銷售目標，抑或索性任由目標落空甚至提出預警，內房捧場客亦要跟貼消息。在下估計，今年唔達標的發展商數目，可能遠多於去年。

昨日巴克萊出報告，話新一波的減價促銷潮，大型發展商的市佔率有上升趨勢，佢睇好中國海外（00688）、世茂房地產（00813）同富力（02777）等幾隻巨無霸。

美股畀耶倫嚇一嚇之後，隔晚經已拗腰回升，恐慌指數更跌落12.56，朝住上月造出的七年新低11.27進發。華爾街投資者當無事發生，依然歌舞昇平，港股卻是依然故我。滬綜指腳軟拖住中資股後腿，港股昨下跌2點收報23,520點，國企指數仲悶，在10,500點水平頂到實，差不多已有個半月。

業績虧損不減反增

藍籌股焦點金沙（01928），第二季因為跟澳門街大隊，開始畀夥記14個月花紅，加埋世界盃期間VIP房靜蠅蠅，EBIDTA唔及分析員預期，股價昨插低1.2%，拖埋銀娛（00027）一齊跌。

昨日見多份報告因為咁，調低今明兩年的EBIDTA預測1至2%，甚至輕輕調低佢目標價，但就無幾多個分析員夠膽唔畀佢買入評級，個個睇住佢兩年後，氹仔個Parisian項目完成，又可以到賺更多人仔。

昨日收市後，李寧（02331）發盈利預警，預料中期業績虧損唔少於5.5億元（人民幣‧下同），理由係一二年七月開始的變革計劃，包括前期投資及直營網絡擴張，清理庫存，減少批發銷售新品項目，引致期間有1億元呆壞帳撥備，以及其他開支2億元。睇番一二年下半年開始，三次半年成績表，李寧分別蝕20.2億、1.84億及2.07億元，即使今次虧損受一次性項目影響，但無人想業績見紅，仲要虧損擴大。

睇番街外睇得比較淡的美銀美林，都係估今年全年蝕3.19億元，依家半年就超額完成，今日唔畀人隊就有鬼。但最解釋唔到，仲係李寧主要股東非凡中國（08032），五月中無端端現鑊氣，由0.4港元翻兩番炒到上最高1.04港元，捧場客恐怕又空歡喜一場。

中廣核上市夠分量

早前傳出萬洲國際擬縮減IPO集資規模，再度闖關重啟，若然順利有望在下月初掛牌。

此外，昨日外電消息指，內地最大核電集團──中廣核已委任保薦人，預計年底前在港上市，集資規模達20億美金。其實，有關中廣核在港上市的消息去年經已流傳，而近年中廣核亦早已涉足港股，中廣核礦業（01164）便屬其系，故一度有揣測指中廣核擬透過中廣核礦業借殼在港上市。

不過，若然近日中廣核擬獨立在港上市的消息屬實，咁中廣核礦業日後擔當咩角色，值得關注。至於中廣核本身，目前魚缸缺乏相關股份，相信在投資的角度睇，會有一定吸引力。內地講咗大半年的核電項目重啟，有望在下半年成事，且看屆時能否為中廣核IPO送上東風。

古勝