絲絲講場：渣打義工教中學生理財
年輕人如果缺乏正確理財概念，好容易因為「先使未來錢」或「碌爆卡」，喺不知不覺之間導致債台高築，甚至因此破產亦時有所聞。
渣打香港計劃動員幾百名職員做義工，喺今年下半年走訪大約四十間中學，將「分辨需要與想要」、「負責任的借貸」、「善用信用卡」和「計劃未來」等理財知識，灌輸畀大約四千名中四至中六學生。
分享職場經驗
渣打香港個人金融業務主管禤惠儀（Mary），與及一眾同事，為呢項活動打響頭炮，尋日暫時放低繁忙嘅銀行職務，嚟到長沙灣天主教英文中學做義工，以生動有趣嘅互動方式，同六十名學生分享正確理財概念。
除此之外，義工亦以過來人身份，分享佢哋嘅職場經驗，藉此鼓勵學生及早規劃未來，為自己嘅人生道路找出明確方向。
余絲韻