絲絲細細個就養成量入為出同分配好零用錢習慣，近年愈來愈多人講理財由細路哥做起，調查發現香港高中生有近六成人嘅理財資訊，都係靠「冥想」自己諗出嚟，所以學校真係要教多啲啦。
睇返聖雅各福群會同Visa合作做嘅調查，超過七成同學仔話學校教理財唔夠，不過男仔真係鍾意刺激啲，接受投資同賭錢作為收入來源嘅比例都高過女仔。
好彩嘅係，整體而言，認同賭錢嘅同學比例都係小部分，而隨住成長收入會愈多，儲蓄比例反而愈少，可能真係食多咗，或者要拍拖，因為高中生主要開支，食物同消遣分別佔咗43%同27%。
余絲韻