絲絲講場：金管宣傳愈玩愈地道
凡係做宣傳，最緊要觀眾有代入感，金管局深明此道，之前用咗「茶記包包系列」入面嘅菠蘿油妹妹幫手做消費者教育，依家仲出埋一系列咖啡杯同文件夾等精品。呢啲本土特色，用嚟宣揚碌卡要精明，觀眾應該睇得好投入。
續推保險私貸教育
金管局法規部執行總監李永誠（Vincent）話，菠蘿油妹妹嘅宣傳方法感覺輕鬆，嚟緊會出埋影片宣傳，今年仲會加入保險產品同私人貸款做教育主打。Vincent話未來再宣傳，都會傾向採用本地創作。
金管局一三年推出消費者教育，重點係網上銀行保安和信用卡消費，Vincent希望今年可以拍埋片，第三季會喺地鐵站廣告螢幕做宣傳，同埋網上信用卡論壇加啲橫額。
余絲韻