瑞士第二大銀行瑞信，最近出咗內部memo，敦促投行部門嘅分析師，周五六點後不得留喺公司，周末就更加唔准OT。
瑞信禁OT早開工
就算要周日開工，都唔可以早過朝早十點鐘，除非真係有刁在手。之不過，如果有生意，又冇可能唔做，所以當有刁要做時，佢哋可以同公司申請，搵分析師返工。除此之外，就算唔喺公司，佢哋都係要即時回覆公司嘅電郵。
美國第二大銀行美銀，就建議分析師和助理每個月至少休息四個周末。至於高盛，都講明唔想員工周末加班，今年佢哋仲成立「資淺銀行人員工作小組」，改善佢哋嘅待遇，另外，除咗新聘分析師332人外，亦同時決定以全職取代兩年期合約聘請分析師，避免最佳新進員工被競爭對手挖角。
余絲韻