期指觀瀾：押注單邊未係時候
隔晚美股急挫，相對昨日港股反應算溫和，講到尾，近期內地股市對港股影響力，猶在華爾街之上，昨日A股即市試過2,001點低位，短線在2,000點心理關口前似乎有點支持，港股至可以先吊住鹽水。
不過，昨日午後恒指期貨超過九成時間，在22,741至22,799點之內五十幾點上落，可見本身確實缺乏炒作消息，好淡雙方都無攻堅意圖。
恒指開市最多跌過251點去到22,637點，收市報22,791點，跌幅收窄到97點，即月期指日市收22,771點低水20點，成交4.85萬張，恒指波幅指數繼續在低位徘徊，跌0.26至15.06，主板成交597億元稍高於周一，沽空佔大市成交比例8.99%，是一月二日以來最低，連淡友都睇唔通個市？國指跌33點報10,149點，國期日市收10,143點。
要確認後市脫離長達一季多的橫行悶局，至少短期恒指要升穿23,404點或跌穿22,603點收市。昨日早市開低多得A股又要拗腰企穩，押注後市行單邊市的未係時候，假如手持衍生工具長倉，在大市整體引伸波幅回落之下，並不划算。面對縮「窩」大形勢，昨日以大約510點期權金，沽出22,800點勒束式短倉，博個市繼續靜落去，收番些少息等過年。
John Mullen