德國加完最低工資之後，最低工資介乎法國同英國之間，但一個地區實際平均薪酬梗係唔止最低工資啦，絲絲睇過市場數據，德國人每年嘅平均工時係1,396個鐘，低過英國，同香港人平均每年2,392個鐘更加無得比，我哋原來做嘢就做差不多雙倍。
平均時薪高兩倍幾
絲絲知道香港人做就做雙倍，但係人工就攤薄咗，德國人平均時薪實際上高達40.11美元（312.8港元），香港平均時薪10.63美元（82.9港元），德國人高成兩倍幾，就算兩地消費物價唔同，都冇爭咁遠，所以為咗改善市民生活質素，有好多提高最低時薪聲音。
不過，好多商家同埋學者話提高最低時薪會傷害就業同加劇通脹，咁就要再諗方法拉近大家距離。