絲絲好多朋友都好鍾意四圍飛，友邦香港及澳門市場及業務策略總經理謝佩蘭就係其中之一，早排佢先飛完英國，仲對巨石陣讚嘆不已，聽講佢退休後嘅夢想係環遊世界喎！
尋日謝佩蘭同絲絲兩個Lady去咗High tea，佢話好懷念上次去英國旅行，尤其係當企喺文化遺產前面，真係覺得人係何其渺小！佢講緊嘅之唔係巨石陣，佢仲推介絲絲一定要去添！
佢仲話，自己退休後一定要去環遊世界。計絲絲話，喺環遊世界前，一定要做好理財計劃，仲要Keep住身體健康，唔係邊有本錢去放眼世界！
除咗謝佩蘭外，絲絲諗友邦都係一間幾鼓勵大家去多啲旅行嘅企業，最近佢哋搞咗個活動，喺十二月三十日前，Like咗AIA Hong Kong Facebook專頁（www.facebook.com/AIAHongKong），再Click入「真遨遊‧不停步」嘅推廣，分享你嘅夢想之旅，就有機會同摰愛把臂同遊、放眼世界！