絲絲講場：富豪冧莊最佳機場酒店
羅寶文近年瞓身搞富豪酒店，成績有目共睹，好似富豪機場酒店，喺今年嘅Business Traveller UK Magazine及Business Traveller Asia-Pacific Magazine舉辦嘅商務旅客讀者投票選舉中，分別連續第六年榮膺全球最佳機場酒店、連續第十三年榮獲亞太區最佳機場酒店。
羅寶文有信心再贏
身為富豪國際酒店集團執行董事羅寶文，話好開心可以再次成為全球最佳機場酒店，有信心明年將續取佳績，提供優質服務。絲絲問羅小姐富豪機場酒店有乜新服務，佢隨口都講到好多，好似客人可以喺酒店2樓禮賓部外，使用增設的「航空公司自助登機專櫃」辦理登機服務只須約1分鐘。
此外，酒店內之特設廚房已榮獲香港回教信託基金總會正式頒發清真廚房證書，可正式為回教客人，按照有關要求嚴謹製作食品。羅寶文仲話，今年佢哋以及富豪國際酒店集團旗下五間位於香港嘅富豪酒店，獲全球可持續發展認證機構EarthCheck頒發銅徽認證，肯定了酒店在環保各方面嘅佳績。