比特幣（Bitcoin）價格屢創新高，一度升上800美元，擁有比特幣嘅人身家亦水漲船高！全世界擁有最多比特幣嘅人係邊個呢？有媒體做咗個統計，創辦人中本聰同美國聯邦調查局（FBI）都揸重貨；中國內地方面，擁有比特幣數量最多嘅人，就係前新東方托福英文老師李笑來。
中本聰係全球擁有最多比特幣嘅人，估計有150萬個；曾經控告facebook始創人朱克伯格「偷橋」嘅泰勒‧溫克沃斯兄弟，持有約10萬個，排名第十。令人最驚奇嘅係，FBI都擁有17.4萬個而位列第九！FBI揸重貨，係因為早前搗破咗互聯網最大非法毒品匿名交易網站「絲綢之路」，網站係用比特幣交易，依家畀FBI充公晒。
至於中國內地，李笑來最巴閉，據稱擁有超過1萬個，人人網聯合創始人楊曜睿就排第二。