陽光房產（00435）CEO吳兆基（Keith）係一位虔誠嘅基督徒，七年幾前佢離開舊公司後，就用咗一年時間去加拿大讀神學，畢業後就返咗香港幫四叔李兆基將陽房搞上市。
目前佢嘅公職都係同宗教有關。佢話最鍾意讀《聖經》，連日常管理都係搵《聖經》做參考。
當中Keith最欣賞摩西嘅管理方法，根據記載，摩西帶領成百萬以色列人過紅海，出咗埃及之後喺曠野住咗四十年，除咗宗教問題之外，摩西亦要管理埋以色列人嘅膳食、衞生、人際衝突，以致對外戰事等，真係少啲心力同智慧都做唔到！
Keith話，管理嘅第一招，係要識得分工，當年摩西有感工作量太多，喺徵詢意見後，將大部分嘅工作分畀各族嘅族長，鄰里之間嘅伍長等，並且要用人不疑。其次摩西為人「謙和」，應用喺管理上就係謙虛誠實，唔好假大空，唔玩弄政治，做事簡單直接。
Keith就套用陽光房產為例，佢話當管理架構能夠盡量簡化，政令就自然能夠快速實行啦。
余詩韻