絲絲講場：新地義工做過50萬個鐘
絲絲認為關心社會唔應該只係喺網上面發表意見，參與義務工作先能夠親身幫助到有需要嘅人！就好似新鴻基地產（00016）嘅義工隊咁，十年來累積嘅服務時數突破50萬小時，參與人數更由十年前最初幾百人增加至依家2,200人添！就連主席兼董事總經理郭炳聯都話，「公司管理層都一直身體力行，一齊投入義務工作！」
郭炳聯讚揚「以心建家」
絲絲聽聞，新地義工隊成立時先設立建家小組、扶老小組、青苗小組同傷健小組，至一○年增設陽光小組，以凝聚青少年義工嘅力量。近年更重點協助受屋邨重建影響嘅長者，同家庭出現突變嘅人士，十年來跟唔同嘅志願團體合作舉辦超過600個義工活動！
為慶祝新地義工隊─「新地義工Team力量」今年踏入十周年，在義工嘉許禮中，仲特別新增「長期積極參與獎」同「累積十年最高服務時數獎」，其中一名義工以接近3,700小時服務時數奪得最高服務時數金獎，即平均每年抽出近370小時投入義工活動，認真令人敬佩！郭炳聯在典禮中對義工隊表示衷心感謝，仲話「每一位義工同事嘅付出，都代表公司實踐『以心建家』嘅理念！」
余詩韻