絲絲講場：恒生請攀山家講挑戰

恒生今次搵阿John主講「挑戰無極限」講座真係最適合不過，事關佢嘅來頭真係好犀利，除咗係第一位由南北兩坡先後兩次登上8,848米高珠穆朗瑪峰嘅香港人，仲創出最快攀上8,163米高嘅馬納斯魯峰嘅世界紀錄添！

佢嘅mission咁吸引，恒生好幾個高層都參與講座，包括薛關燕萍同馮孝忠呢兩位執行董事，仲有傳訊及企業可持續發展總監張樹槐、私人銀行及信託服務主管陸庭龍。

分享「辛酸史」振人心

阿John話：「每次登峰都要着上成50磅重嘅裝備，同揹着120公升容量嘅背包，仲要喺海拔高嘅地方活動，真係幾艱辛o架！」大部分出席講座嘅「賓卡」同員工平日都坐喺office唔多運動，聽到阿John嘅「辛酸史」都大感佩服呀。最後，阿John勉勵員工，要將自己認為不可能完成嘅事付諸實行，佢嘅鼓勵真係振奮人心，唔知各位員工做嘢會唔會爽手啲呢？