滙豐對Natalie嘅離職唔發表任何評論，絲絲亦聯絡唔上Natalie。不過，睇番證監會嘅持牌人及註冊機構公眾紀錄冊，確實見到Natalie喺滙豐嘅證券交易牌照，已經喺上月二十號之後失效，但又未見佢過檔其他機構。
贏過選美 才貌兼備
其實，Natalie係馬來西亞華僑，一直同金融結下不解緣，大學時主修會計，讀碩士時就修國際會計及財務；佢做過德勤同英國滙豐。絲絲對佢好有印象，皆因佢係靚女一名，早年都有參加過香港小姐選美，仲攞過○五年度國際親善小姐名銜添，名副其實係美貌與智慧並重。
現時滙豐仲有兩位輪證發言人，包括陳其志，同埋劉嘉輝，前者係主管，後者係聯席總監。