港股挾高443大鱷玩晒

美國總統奧巴馬尋求國會批准後，才對敍利亞採取軍事行動，意味短期開戰機會降低，淡友頓失做淡藉口，加上內地製造業PMI勝預期、美股周一假期休市，好友伺機挾淡倉，恒指裂口高開217點後，十五分鐘已將指數推高至22,240點，漲508點；國指全日漲229點，收10,055點，港股總成交僅555億元，沽空減一成一至56.24億元，沽空比率回落至10.18%。

九月充滿變數，市場普遍看淡後市，個別散戶更偷步買入熊證冀大市回調，詎料港股昨裂口高開，看淡散戶即時損手，在開學日交學費，不少投資者「得個睇字」，散戶郭先生稱：「現貨都未開，期指已升近300點，跟住開市恒指就一支箭咁升，反應唔切！之後恒指上下波幅僅100點，入市追貨無意思，所以成朝得個睇字，下午開市後更上網打機輕鬆吓，無乜睇住個市！」

放大圖片	港股今年裂口高開或低開情況（點）

價位漩渦 高手呻難玩

本報統計顯示，今年恒指有17日漲或挫逾400點，當中有12日或逾七成屬裂口高開或低開逾200點，散戶根本「追唔切、走唔甩」。本報網上民調顯示，逾五成受訪者稱今年投資股市仍錄虧損。

沽空日誌（9月2日）

散戶睇市 估中升市 梁先生：「美國唔會咁快退市，本身都係睇好個市會升番，都有諗住買吓牛證，但最後淨係買咗正股，點知升成四百幾點，早知就買啦！」

豐盛金融資產管理董事黃國英直言，過去四、五年港股差不多原地踏步，散戶持股數年「得個桔」；相反「炒多兩嘢」更會中伏，以致港股參與者減少，尋找對手接貨較過往困難，容易觸發「價位漩渦」，如恒指昨被夾上21,900至22,100點後，不少基金被迫追貨，加深「價位漩渦」，散戶追都追唔切。

他續說，如果僅持貨或牛熊證，坐錯邊過夜隨時無得走，散戶要生存，須嚴守數個要訣，首先多利用期權對沖，其次要確認轉勢才追買或追沽，避免「扮叻仔被挾死」，如港股昨才剛開始挾升，未來兩、三日或可再漲多二、三百點，屆時才考慮減磅，但A股及外圍不配合，後市不會太叻，待期指由高位22,300至22,400點轉勢回落逾200點，屆時才考慮掉頭追沽，同時散戶可考慮調低注碼，以往買10萬元博1萬元回報，現在或降至買3萬元博1萬元回報，以減低風險。

訊匯證券行政總裁沈振盈稱，近年多了對沖基金來港搵食，令大市波幅增，不少大戶更透過裂口高開或低開殺掉期指、期權金與牛熊證等衍生工具，故散戶要保平安，宜低位時只買五成貨，任由股價飄浮，每漲10%就減持部分食胡，每跌10%就「溝貨」。

尚乘財富策劃證券業務部總經理鄧聲興稱，散戶揀股很重要，如近期市場憂慮退市，適宜選擇息口敏感度低的股份如科網及濠賭股。美股周一假期休市，港股指標性不大，除非能突破22,300點至22,500點，否則續是區間上落。

數據有驚喜 歐股炒上

儘管美股假期休市，歐洲股市在中東局勢紓緩、英國製造業活動升至兩年半新高及歐元區PMI數據勝預期的消息刺激上揚，英、法、德國股市尾段漲1.74%、1.84%及1.89%。

此外，即月恒指期貨周一尾段報22,161點，漲593點；即月國指期貨報10,047點，漲288點。