五十四歲嘅恒生（中國）常務副行長林偉中（Gordon）就會坐正，接替薛太擔任恒生（中國）行長，但薛太就會繼續出任副董事長一職。
林偉中接棒做行長
年初嗰陣，市傳薛太因為年屆六十歲嘅退休年齡，可能會退休或者獲彈性延長任期，睇今次呢個安排，相信薛太應該無咁快退休啩。
至於接棒嘅Gordon，已經喺同日升任行長。佢喺舊年一月至加入恒生（中國），任職企業及商業銀行業務拓展主管，同年三月升任副行長。
加入恒生之前，Gordon係滙豐（中國）環球銀行中國區常務總監。佢一九八二年加入銀行界，擁有超過二十年嘅內地業務經驗。搵到佢繼任行長，薛太都可以功成身退喇。
余詩韻